Өмнөговь аймгийн Ханбогд сумын Жавхлант багийн нутагт зам тээврийн осол гарчээ. Ослын улмаас суудлын автомашины төмөр хийцэд хоёр хүн хавчуулагдсан тухай дуудлагыг өчигдөр буюу дөрөвдүгээр сарын 09:39 цагт Онцгой байдлын албанд ирүүлсэн байна.
Дуудлагын дагуу аймгийн Онцгой байдлын газрын Ханбогд сум дахь Гал түймэр унтраах, аврах 66 дугаар ангийн алба хаагчдыг очиход “Foton-BJ4253SMFKB-S” загварын зүтгүүрийн жолооч, Ханбогд сумаас Даланзадгад сумын чиглэлд иргэн Х-ийн жолоодож явсан “Тоёота грандмарк-2” загварын суудлын автомашинтай мөргөлдсөн байжээ. Ослын улмаас суудлын автомашины эзэмшигч Х /21 настай, эрэгтэй/ автомашины төмөр хийцэд хавчуулагдсан байсныг есөн минут ажиллан эсэн мэнд гаргаж, Сум дундын Эрүүл мэндийн төвийн эмчид хүлээлгэн өгсөн байна. Мөн суудлын автомашины зорчигч Д /26 настай, эрэгтэй/-гийн цогцсыг гаргаж, тус сум дахь Цагдаагийн тасгийн мөрдөгчид шилжүүлэн өгчээ.
