Ерөнхийлөгч Жо Байден Украинд 61 тэрбум долларын цэргийн тусламж үзүүлэх тухай хуулийн төсөлд гарын үсэг зурсны дараа АНУ-ын Батлан хамгаалах яам Киевт зэвсэг нийлүүлж эхэлснийг зарласан байна.
Үүнээс өмнө АНУ-ын Ерөнхийлөгч Жо Байден Украин, Израиль, Тайваньд 95 тэрбум ам.долларын тусламж үзүүлэх тухай хуулийн төслүүдэд гарын үсэг зурж, саяхан АНУ-ын Сенат баталж, өнгөрсөн амралтын өдрүүдэд Төлөөлөгчдийн танхимаар баталсан юм. Мөн АНУ энэ сар /2024.04/-д АТАКМС алсын тусгалтай пуужингуудыг Украин руу илгээснээ баталсан. Үүнээс өмнөхөн хэвлэл мэдээллийн хэрэгслээр Украин эдгээр пуужингуудыг энэ сарын 17 /2024.04.17/-нд Крым болон эзлэгдсэн нутаг дэвсгэрт анх удаа ашигласан гэж мэдээлжээ.
Эх сурвалж: BBC
