Ойрын өдрүүдэд ихэнх нутгаар дулаарч, цас эрчимтэй хайлах тул болзошгүй шар усны үерийн эрсдэлээс сэрэмжтэй байхыг анхааруулж байна.
Маргааш буюу энэ сарын 11-нд баруун аймгуудын нутгийн зарим газраар, энэ сарын 12-нд Алтай, Хангайн уулсаар ялимгүй цас орно. Энэ сарын 13-нд Монгол-Алтайн уулархаг нутгаар, 14-нд баруун болон төвийн аймгуудын нутгийн хойд хэсгээр цас орж, цасан шуурга шуурна.
Салхи ихэнх хугацаанд секундэд 5-10 метр, энэ сарын 13-нд Алтайн салбар уулсаар, энэ сарын 14-нд нутгийн хойд хэсгээр түр зуур секундэд 16-18 метр хүрч ширүүснэ.
Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -28...-33 градус, өдөртөө -14...-19 градус, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Хараа, Ерөө, Туул, Тэрэлж, Хэрлэн голын хөндийгөөр шөнөдөө -20...-25 градус, өдөртөө -6...-11 градус, говийн бүс нутгийн өмнөд хэсгээр шөнөдөө -4...-9 градус хүйтэн, өдөртөө +6...+11 градус дулаан, Их нууруудын хотгор, говийн бүс нутгийн хойд хэсгээр шөнөдөө -8...-13 градус хүйтэн, өдөртөө +1...+6 градус дулаан, бусад нутгаар шөнөдөө -13...-18 градус, өдөртөө +2...-3 градус хүйтэн байна. Ирэх долоо хоногийн Пүрэв гараг буюу энэ сарын 14-нд баруун болон төвийн аймгуудын нутгийн хойд хэсгээр хүйтэрнэ гэж Цаг уур орчны шинжилгээний хүрээлэнгээс мэдээллээ.