Өнгөрсөн шөнөөс эхлэн цас орж, шуурга шуурсны улмаас Чингэлтэй дүүргийн 19 дүгээр хороо Гүнтийн даваа орчмоор тээврийн хэрэгсэл зорчих боломжгүй болжээ.
Тиймээс Тээврийн цагдаагийн албанаас тус хэсгийн тээврийн хэрэгслийн хөдөлгөөнийг түр хязгаарлаад байна. Цаг агаарын нөхцөл байдлаас шалтгаалж, үзэгдэх орчин хязгаарлагдмал болох, замын зорчих хэсэгт халтиргаа, гулгаа үүсэх нөхцөл байдал үүсэж байгаа тул та бүхэнд:
- Тохиромжтой хурдыг сонгох
- Хажуу, хоорондын зайг зөв барьж явах
- Хөдөлгөөн эхлэх, чиг өөрчлөн байрлан явах үйлдлийг зөв гүйцэтгэх
- Аюул бүхий хэсэгт гүйцэх, гүйцэж түрүүлэх үйлдлийг хийхгүй байх
- Шил арчуур, цан үлээгүүр зэрэг техникийн бүрэн байдлыг хангасан байх
- Зайлшгүй зогсолт хийсэн тохиолдолд бусдад анхааруулах, аюулгүй байдлыг бүрэн хангаж хөдөлгөөнд оролцохыг зөвлөж байна.
