БНХАУ-ын Эрээн хотын Өвөр Монголчууд баяр наадмаа энэ сарын 6-ний өдөр тэмдэглэн өнгөрүүлжээ. Баяр наадмын бөхийн барилдаанд Монгол Улсаас Даян аварга Н.Батсуурь тэргүүтэй гурван бөх барилдсан талаар бид өмнө нь мэдээлсэн. Тэгвэл Өвөр Монголын өөртөө засах оронд болсон 512 бөхийн барилдаанд Булган аймгийн Орхон сумын харьяат Монгол Улсын начин Энхбатын Сумъяабат мордох мэхээр голчлон давсаар шөвгийн дөрөвт шалгарсан бол Даян аварга Н.Батсуурь тавын даваан өвлөг шорооджээ.
