Өнөөдөр өглөө /2023.05.31/ үүрээр БНСУ-д аюулын дохио дуугарч, тус улсад амьдарч байгаа иргэдийн гар утсанд "хорогдох байранд орох"-ыг анхааруулсан мессеж ирсэн байна. Энэ талаар тус улсад амьдарч буй монгол иргэд олон нийтийн сүлжээнд нийтэлжээ.
БНСУ-д байгаа иргэний твиттертээ оруулсан мэдээлэл:
Түгшүүрийн дохио хангинаад л мсж ирээд бөөн юм болвоо сая, юу болов гд news ухлаа, хойдууд пуужин харвасан гэхээс өөр юм олсонгүй
— Tuul23 (@tuul23) May 30, 2023
Тэгвэл энэхүү сэрэмжлүүлэг үйл явдал нь Хойд солонгосын тал пуужин харвасантай холбоотой байжээ. Энэ талаар БНСУ дахь Монгол Улсын элчин сайдын яамнаас, "2023 оны 05 дугаар сарын 31-ний өдрийн 06:29 цагт БНАСАУ өмнө зүгт сансрын пуужин харвасантай холбогдуулан Сөүл хот болон Пэгрён-ду орчимд пуужингийн хэлтэрхий унах магадлалтай гэж үзэн иргэдийг хоргодох байранд орох анхааруулга гаргасан ч 06:41 цагт анхааруулгыг цуцлав. Иймд сургууль, албан газрууд хэвийн ажиллана. ЭСЯ-аас холбогдох байгууллагаас гаргасан сэрэмжлүүлэг мэдээллийг тухай бүр хүргэж ажиллах тул Иргэд Та бүхэн сонор сэрэмжтэй байна уу" гэсэн анхааруулгыг олон нийтэд хүргэсэн байна.
"
