Монгол Улсын тусгай хамгаалалттай газар нутагт нэвтрэх хураамжийн хэмжээг БОАЖ сайд Б.Бат-Эрдэнэ шинэчлэн тогтоолоо. Ингэснээр Улсын тусгай хамгаалалттай газарт нэвтрэх нэг удаагийн тасалбарын үнэ 21 жилийн дараа нэмэгдэж буй юм.
Ингэхдээ нэвтрэх хураамжийн төлбөр төлөгчийн ангилалыг давхардуулахгүй.
Дархан цаазат газар
- Иргэн таван мянган төгрөг,
- Мотоцикл таван мянган төгрөг,
- Суудлын автомашин 15 мянган төгрөг,
- Автобус 50-120 мянган төгрөг ,
- Ачааны машин 30-50 мянган төгрөг,
- Нисдэг тэрэг, онгоц 300-500 мянган төгрөг
Байгалийн цогцолборт газар
- Иргэн гурван мянган төгрөг,
- Мотоцикл гурван мянган төгрөг,
- Суудлын авто машин есөн мянган төгрөг,
- Автобус 30-72 мянган төгрөг ,
- Ачааны машин 20-40 мянган төгрөг ,
- Нисдэг тэрэг, онгоц 100-300 мянган төгрөг,
Байгалийн нөөц газар
- Иргэн хоёр мянган төгрөг,
- Мотоцикл хоёр мянган төгрөг,
- Суудлын авто машин зургаан мянган төгрөг ,
- Автобус 20-48 мянган төгрөг ,
- Ачааны машин 15-30 мянган төгрөг,
- Нисдэг тэрэг, онгоц 80-240 мянган төгрөг,
Байгалийн дурсгалт газар
- Иргэн нэг мянган төгрөг,
- Мотоцикл нэг мянган төгрөг ,
- Суудлын авто машин гурван мянган төгрөг ,
- Автобус 10-24 мянган төгрөг,
- Ачааны машин 10-20 мянган төгрөг ,
- Нисдэг тэрэг, онгоц 60-180 мянган төгрөгөөр
тус тус нэвтрэх юм. Мөн энэхүү захирамж 2023 оны гуравдугаар сарын 20-нд батлагдаж, дөрөвдүгээр сарын 07-ноос дагаж мөрдөгдөх юм.
Тусгай хамгаалалттай газар нутагт нэвтрэх хураамжийн хэмжээг шинэчлэн тогтоох тухай
Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Тусгай хамгаалалттай газар нутгийн тухай хуулийн 27 дугаар зүйлийн 18 дахь хэсгийг тус тус үндэслэн ТУШААХ нь:
- "Тусгай хамгаалалттай газар нутагт нэвтрэх хураамжийн хэмжээ"-г хавсралтаар шинэчлэн баталсугай.
- Тушаалыг хэрэгжүүлж ажиллахыг Тусгай хамгаалалттай газар нутгийн бодлого зохицуулалтын газар /Г.Эрдэмбилэг/, хамгаалалтын захиргаадын дарга нарт, тушаалын хэрэгжилтэд хяналт тавьж ажиллахыг Хяналт шинжилгээ, үнэлгээ, дотоод аудитын газар /Т.Гоцбаяр/-т тус тус үүрэг болгосугай.
- Энэхүү тушаал гарсантай холбогдуулан Байгаль орчны сайдын 2002 оны 06 дугаар сарын 01-ний өдрийн "Журам шинэчлэн батлах тухай" 117 дугаар тушаалын 4 дүгээр хавсралтаар баталсан "ТХГН-т мөрдөх ажил үйлчилгээний нэг удаагийн хөлсний хэмжээ"-г хүчингүй болсонд тооцсугай.
Сайд Б.Бат-эрдэнэ