Архангай аймаг, Эрдэнэбулган сумын Цагаандаваа багийн 40 дүгээр гудамжинд иргэн Г энэ сарын 14-ний өдрийн 09:40 цагийн орчим гэрээсээ гараад сураггүй алга болжээ. Улмаар эрэн хайх ажиллагаанд хүч нэмэгдүүлэн ажиллах тухай хүсэлтийг Цагдаагийн байгууллагаас 18-ны өдрийн 10:50 цагт Онцгой байдлын албанд ирүүлсэн байна.
Тус аймгийн Онцгой байдлын газрын Эрэн хайх, аврах салбар, Цагдаагийн газрын алба хаагчид, ар гэрийнхний хамт нэг эрэлч нохойтой есдүгээр сарын сарын 18-ны өдрийн 11:20 цагаас иргэн Г/32 настай, эрэгтэй/-ыг эрэн хайх ажиллагааг тус сумын Цагаандаваа багийн “Булган” уул орчмоор нийт 20 км-т зохион байгуулж, үр дүнд хүрээгүй тул мөн өдрийн 18:28 цагт түр зогсоож, 19-ний өдөр ар гэрийн хүсэлтээр эрэн хайх ажиллагааг зогсоосон.
09.24-ний өдрийн 10:45 цагт ар гэр нь дахин хүсэлт гаргасны дагуу тус аймгийн Онцгой байдлын газрын Эрэн хайх, аврах салбарын алба хаагчид, ар гэрийнхний хамт 11:42 цагт эрэн хайх ажиллагааг эхлүүлж, Булган уулын баруун зүүн энгэр, Цагаан давааны зүүн энгэр нийт 45 км газар эрэн хайх ажиллагааг зохион байгуулж, 18:45 цагт ар гэрийн хүсэлтийг үндэслэн, Онцгой байдлын газрын орлогч, урьдчилан сэргийлэх тасгийн даргын шийдвэрээр эрлийн ажиллагааг түр зогсоогоод байна.
Эх сурвалж: ОБЕГ