УИХ 2019 онд "Нийтээр тэмдэглэх баярын болон тэмдэглэлт өдрүүдийн тухай хууль"-д өөрчлөлт оруулж Бурхан багшийн Их дүйчэн өдөр буюу зуны тэргүүн сарын шинийн 15-ныг амралтын өдөр болгосон. Энэ жилийн дүйчэн өдөр ирэх долоо хоногийн лхагва гарагт тохиож байна. Гандантэгчэнлин хийд энэ жил дүйчэн өдрийг “Энэрлээр нэгдэж, эвээр бүтээе” уриан дор тэмдэглэн өнгөрүүлэхээр төлөвлөжээ.
