Завхан аймгийн Тосонцэнгэл суманд коронавирусийн сэжигтэй тохиолдол илэрсэн тул хөл хорио тогтоожээ. Тодруулбал, тус сумын иргэн Ж Өвөрхангай аймгийн сувилалд эмчлүүлж байгаад сумандаа энэ сарын 21-нд ирсэн байна. Улмаар коронавирусийн халдвартай иргэний ойрын хавьтал болсон хэмээн түргэвчилсэн шинжилгээгээ авахад хариу нь эерэг гарчээ.
Тиймээс яг одоо тус суманд хөл хорио тогтоож, орох, гарах хөдөлгөөн, сургууль, цэцэрлэгийн үйл ажиллагааг зогсоогоод байгаа юм.
