.jpg)
“Open Budget Partnership” буюу “Төсвийн нээлттэй хамтын ажиллагаа” олон улсын байгууллагын судалгаагаар манай улс төсвийн индексээр өнгөрсөн оныхоос 15 байраар урагшилж, 41-р байранд жагсжээ.
Манай улс 2017 онд төсвийн индексээр 46 оноо авч байсан бол 2019 онд 56 оноо авч, 41 дүгээрт жагсжээ. Улс орнуудын дундаж оноо 45 байна. Төсвийн ил тод байдал, төсөв батлах явцад олон нийт оролцсон эсэх, төсвийн хяналт гэсэн үзүүлэлтүүдийг нэгтгэн, төсвийн индексийг тогтоодог байна.
Манай улсын хувьд “Иргэдийн төсөв товхимол”, төсвийн гүйцэтгэлийн сар, улирлын мэдээ, жилийн эцсийн төсвийн гүйцэтгэлийн тайлангийн хамрах хүрээ, агуулга сайжирсан нь нөлөөлжээ. Сангийн яам, Монголбанк, Үндэсний статистикийн хороо зэрэг байгууллагууд сар, улирал бүр улсын төсвийн орлого, зардал, алдагдлын дүн, эдгээрт нөлөөлсөн хүчин зүйлсийг мэдээлдэг. Мөн эдгээр байгууллагын удирдлагууд хэвлэлийн хурал хийхээс гадна цахим хуудас, олон нийтийн сүлжээн дэх хаягаараа дамжуулан инфографик бүхий, ойлгоход хялбар болгосон мэдээллийг тогтмол түгээх болсон юм.
Хамгийн өндөр оноо авсан буюу төсвийн мэдээллээ ил тод байршуулан, олон нийтийн дунд төсвийн тоон үзүүлэлтүүдийг амжилттай хэлэлцүүлсэн орнууд:
- Шинэ Зеланд 87
- Өмнөд Африк 87
- Швед 86
- Мексик 82
- Гүрж 81
- Бразил 81
