Улсын онцгой комисс цахимаар хуралдаж Улаанбаатар хотод тогтоосон Гамшгаас хамгаалах бүх нийтийн бэлэн байдалд шилжсэн хугацаа буюу хөл хориог сунгах эсэхийг хэлэлцлээ. Улмаар ЭМЯ-наас ирүүлсэн хөл хориог 14 хоног сунгах саналыг дэмжсэн бөгөөд Засгийн газрын хуралдаанд оруулахаар болжээ. Засгийн газар өнөдөр 14.00 цагт ээлжит бусаар хуралдаж тус асуудлыг эцэслэн шийдвэрлэнэ. Засгийн газар УОК-ын саналыг дэмжвэл Улаанбаатар хотод 2021 оны нэгдүгээр сарын 20-ны өдрийг хүртэл хатуу хөл хорио үргэлжлэх юм.
