Коронавирусийн халдварын улмаас сургууль, цэцэрлэгийн үйл ажиллагаа зогссон тул харгалзах хүнгүй хүүхдүүд төөрч алга болох унаж бэртэх, цаашлаад амиа хорлох байдал нэмэгдэж байна.
Тухайлбал, ЕБС-ийн үйл ажиллагаа зогссон тул Сэлэнгэ аймгийн Баянгол суманд эмээгийндээ очоод байсан 16 А хүү хонинд яваад төөрч, амиа алдсан хэрэг энэ оны хоёрдугаар сард гарсан. Саяхан Баян-Өлгий аймгийн Алтанцөгц суманд 16 настай Т хүү ор сураггүй алга болж, амиа хорлосон байдалтай олдсон билээ.
Тэгвэл энэ сарын 06-ны өдөр Завхан аймгийн Баянхайрхан сумын 3 дугаар багт байх эзэнгүй хашааны орчимд 9 настай Н хашаа дамнуулж тавьсан 5 метр урттай модноос унаж, модонд даруулж нас барсан хэрэг гарчээ. Иймд иргэд та бүхнийг ойр дотнын хүмүүстээ тавих хараа хяналтаа сулруулахгүй байхыг анхааруулах үүднээс тус мэдээллийг нийтлэв.
