Өнөөдөр зуны тэргүүн шинийн 1-ний билэгт сайн өөр тохиож, Улаанбаатарт хур бороо орлоо.
Өнөөдөр бол аргын тооллын тавдугаар сарын 9-н, Бархасбадь гараг. Билгийн тооллын шинийн нэгний өдөр ба Чөлөөт эх одтой, харагчин тахиа өдөр. Өнөөдөр нутгийн төв хэсгээр бороо, уулаараа нойтон цас орж, нутгийн хойд хэсгээр сэрүүн байна. Нутгийн зүүн хагаст үүлшинэ. Бусад нутгаар солигдмол үүлтэй. Баруун аймгуудын нутгийн зүүн, төвийн аймгуудын ихэнх нутаг, говийн болон зүүн аймгуудын нутгийн зарим газраар бороо, уулархаг нутгаар нойтон цас орно.
Харин Улаанбаатар хотод өнөөдөр 17 градус дулаан байх ба бороо зогсож, үүлэрхэг байна. Мөн маргааш дахин бороо орох төлөвтэй байгаа юм.
