Судлаачид амьтдыг хамгаалахын тулд хадгалсан эд эсийн дээжээс хар хөлт хоёр гарамыг хувилсан гэж АНУ-ын Загас, зэрлэг ан амьтдыг хамгаалах алба өнгөрсөн долоо хоногт мэдэгдэв. Эдгээр амьтад нь түүхэн дэх хоёр, гурав дахь гарам клонууд бөгөөд эхнийх нь 2020 оны арванхоёрдугаар сард төржээ.
Хар хөлт гарам ховордсон амьтан бөгөөд эрдэмтэд шинэ клонууд нь төрөл зүйлийн генетикийн олон янз байдлыг нэмэгдүүлнэ гэж найдаж байгаа аж. Одоогийн популяцийн генетикийн олон янз байдал хязгаарлагдмал байгаа нь амьтдыг өвчин, удамшлын эмгэгт өртөмтгий болгож, үржил шимийг нь бууруулж, байгальд дасан зохицоход нь хүндрэл учруулж, нөхөн сэргэхэд нь саад учруулж байна гэж эрдэмтэдийн судалгаанаас эш татан Smithsonian Magazine агентлаг мэдээлэв.
Клончлох ажилд хувь нэмрээ оруулсан Сан Диегогийн амьтны хүрээлэнгийн зэрлэг ан амьтдын холбооны байгаль хамгаалах шинжлэх ухааны дэд ерөнхийлөгч Меган Оуэн “Вашингтон Пост” сонинд “Генетикийн олон янз байдал нь байгаль орчны өөрчлөлтөд тэсвэртэй байх нь чухал. Энэ бол үндсэндээ дасан зохицох хувьслын түүхий эд юм. Норин, Антониа нэртэй хоёр шинэ клон эрүүл бөгөөд тэд хөгжлийн болон зан үйлийн хувьд хүлээгдэж буй үе шатандаа хүрч байна. Норин Колорадо дахь Үндэсний хар хөлт айраг хамгаалах төвд төрсөн бол Антониа Смитсонианы үндэсний амьтны хүрээлэн ба байгаль хамгаалах биологийн хүрээлэнд төрсөн” хэмээн ярьжээ. Дэлгэрэнгүйг ЭНД ДАРЖ харна уу.
