Засгийн газрын энэ сарын 14-ний өдрийн хуралдаанаар НӨАТ-ын сугалааг дахин явуулах шийдвэр гаргасан талаар Сангийн сайд Б.Жавхлан мэдээлсэн.
Тэгвэл НӨАТ-ын сугалааны шууд тохирол аравдугаар сарын 12-ны Лхагва гарагийн 13:00 цагт явагдахаар болжээ. Энэ удаагийн тохирлыг 2022 оны есдүгээр сарын 1-30-ны хооронд худалдан авалт хийсэн баримтаар явуулах аж.
НӨАТ-ын сугалааны тохиролд:
3 орон таарвал 40,000 төгрөг
4 орон таарвал 60,000 төгрөг
5 орон таарвал 100,000 төгрөг
6 орон таарвал 500,000 төгрөг
7 орон таарвал 5,000,000 төгрөг
8 орон таарвал 10,000,000 төгрөгийн урамшуулал авах юм. Сугалааны тохирлыг Ebarimt аппликэйшний Сугалаа цэсээр шууд үзэх боломжтой болжээ. Ингэхийн тулд “EBARIMT APP”-ыг update хийж шинэчлэх юм байна.
