Өнгөрсөн амралтын өдөр Хүүхдийн парк буюу Үндэсний соёл, амралтын хүрээлэн /ҮСАХ/-гийн 6.9 га газрыг зориулалтын дагуу ашиглах, нийслэлийн иргэн бүрд нээлттэй байлгах үүднээс хашаа, хайсыг буулгасан.
Улмаар уг талбайд тоглоомын талбай, 1000 автомашины зогсоол барина хэмээн хотын удирдлагууд мэдэгдээд байсан. Тэгвэл Байгаль орчин аялал жуулчлалын яамнаас Үндэсний соёл, амралтын хүрээлэнгийн чөлөөлөгдсөн талбайг иргэдэд ээлтэй, нийтийн цэцэрлэгт хүрээлэн болгох саналыг Нийслэлийн засаг дарга бөгөөд Улаанбаатар хотын захирагч Д.Сумъяабазарт хүргүүлжээ.
