Монгол орны газар нутгийн 75 орчим хувь нь хөрсний доройтол, цөлжилтөд өртөөд байгаагийн дийлэнх хувийг говь нутаг эзэлж байна. Монголын урд хэсгээс эхэлсэн энэ үйл явц цааш хэвээр үргэлжилбэл 2080 он гэхэд Монгол орны газар нутгийн 92% цөлжих төлөвтэй байгаа юм.
Иймд сүүлийн жилүүдэд говьд мод тарих хэд хэдэн томоохон төслүүд хэрэгжиж байгаа ч одоогоор үр дүнд хүрээгүй байгаа билээ. Тэгвэл говьд 25 мянган мод тарьж, арчлан ургуулсан Т.Наранцэцэг гэх эмэгтэйг Экологийн цагдаагийн газар онцлов.
