Хаалгыг нь тогшиж чихэр гуйсан 9 настай охиныг өшиглөж, буцаж чихэр өгөхдөө чих рүү нь цохьсон хэрэг гарсан талаарх мэдээлэл олны анхаарлыг татаад байгаа билээ.
Тэгвэл эл хэргийн талаар цагдаагийн байгууллагаас тодруулахад "Цагдаагийн байгууллагад 2022 оны 10 дугаар сарын 29-ний өдрийн 16:48 цагт Баянгол дүүргийн 18 дугаар хорооны нутаг дэвсгэрт “Доод айлын хүн манай хүүхдийн гэдэсрүү өшиглөсөн байна” гэх дуудлага, мэдээлэл бүртгэгдсэн. Дуудлага, мэдээллийг тус дүүрэг дэх цагдаагийн газрын нэгдүгээр хэлтсээс шалгахад 9 настай, эмэгтэй “Н” гэгчийг Halloween баяр гэж чихэр цуглуулах зорилгоор доод айлын хаалгыг тогшиход тус байранд оршин суух 56 настай, эрэгтэй “Х” гэгч нь архи, согтууруулах ундааны зүйл хэрэглэсэн үедээ өшиглөсөн гэх үйлдэлд шалган шийдвэрлэх ажиллагаа явуулж байна" гэлээ.
Хаалгыг нь тогшиж чихэр гуйсан 9 настай охиныг өшиглөж, буцаж чихэр өгөхдөө чих рүү нь цохьсон байна. Охин шоконд орж хариу үйлдэл үзүүлж чадаагүй мөн цохиулснаас болж чих нь хөхөрчээ. pic.twitter.com/PgcWlsK6SN
— NTV (@NTVmn) October 31, 2022
