УИХ-ын чуулганы өнөөдрийн /2021.06.24/ хуралдаанаар Ковидын хуулийг сунгах эсэхийг хэлэлцэж байна. Уг хуулийг сунгаж буй гол зорилго нь Эрүүл мэндийн даатгалын сангийн хөрөнгийг коронавирусын эмчилгээнд зарцуулах юм. Үүнийг зарим гишүүд эсэргүүцэж "Монгол улсад коронавирусээс өөр өвчин гарахгүй юм уу. Эрүүл мэндийн даатгалын сангийн мөнгийг бүгдийг нь коронавирусийн эмчилгээнд зарцуулчихаар хавдар болон бусад өвчнөө яаж эмчлэх юм бэ" гэж буй.
Харин Эрүүл мэндийн сайд С.Энхболд "Уг хууль батлагдвал өрхийн эмнэлэгт нэг хүн эмчлэх 70 мянган төгрөгийн санхүүжилтийг нэмж 160 мянган төгрөг болгоно. Ингэснээр коронавирусийн эмчилгээнд хэрэглэж буй Арбидол эмийг үнэ төлбөргүй өгнө" гэсэн юм.
Мөн хүнд өвчтэй хүмүүсийн эмчилгээний зардлыг нэмж 7 сая төгрөг болгох аж. Энэ талаар тэрбээр мэдээлэл өгөхдөө "70 мянган төгрөгийн эмийн багц гэж байхгүй. Энэ мөнгийг шаардлагатай эм болон ажилчдын хувцас, машины шатахуун зэрэг олон зүйлд зарцуулдаг. Энэ 70 мянгыг 160 болгож нэмэгдүүлэх гээд байна" гэсэн юм.
