Ховд аймгийн Буянт суманд постонд үүрэг гүйцэтгэж байсан олон нийтийн цагдааг зодсон хэрэг энэ сарын 13-ны өдөр гарчээ. Тодруулбал, тус аймгийн Ховд сумын Улаанбураа багт оршин суух хаягтай 18 настай эрэгтэй А нь тус сумын Норжинхайрхан багийн олон нийтийн цагдаа 25 настай эрэгтэй Ү-ын тавьсан шаардлагыг эсэргүүцэж, толгойн тус газарт нь удаа дараа цохиж, гэмтэл учруулсан байна. Гэмтсэн алба хаагчийн биеийн байдал хэвийн, эмчилгээ хийлгэж байгаа бөгөөд хэргийг Ховд аймаг дахь цагдаагийн газарт шалгаж байгаа ажээ.
