Төв болон зүүн аймгуудын нутгаар өнөөдөр хүйтрэх төлөвтэй бол баруун аймгуудын нутгийн зарим газар, зүүн аймгуудын нутгийн өмнөд хэсгээр бага хэмжээний нойтон цас орно.
Тухайлбал бусад нутгаар хур тунадас орохгүй, ихэнх нутгаар өнөөдөр 08 цагаас 20 цаг хүртэл солигдмол үүлтэй байна. Салхи зүүн аймгуудын нутгаар баруун өмнөөс хойш эргэж, бусад нутгаар баруунаас секундэд 6-11 метр салхилах аж. Харин Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчимоор 0...-5 градус хүйтэн, Их нууруудын хотгор, говийн бүс нутгаар +7…+12 градус, бусад нутгаар 0...+5 градус дулаан байх төлөвтэй байна.
