Ерөнхийлөгч асан Х.Баттулга Монголын ардчилсан холбоо /МоАХ/ фракцыг удирдаж, АН-д улс төрөө хийдэг. Тухайлбал, тэрээр Монгол Улсын Ерөнхийлөгчийн албан тушаалаасаа буухдаа эцсийн зарлиг гаргаж МоАХ Төрийн бус байгууллагыг "Монгол Улсын Баатар" цол тэмдгээр шагнасан. Тэгвэл Х.Баттулгын удирддаг МоАХ фракцын Удирдах зөвлөл саяхан хуралдаж хуралдаж, аймаг, нийслэл, сум, дүүргийн иргэдийн хурлын төлөөлөгч сонгох сонгуулийн кампанит ажилд баримтлах бодлогоо тодорхойлжээ. Түүнчлэн МоАХ фракцын Улс төрийн бодлого хариуцсан дэд даргаар УИХ-ын гишүүн Л.Мөнхбаясгаланг сонгосон байна.
