Чөлөөт бөхийн U20 насны ангиллын дэлхийн аварга шалгаруулах тэмцээн Испанийн Понтеведра хотод боллоо.
Тэмцээний сүүлийн өдөр эрэгтэй -125 кг жинд Батбаярын Намбардагва хүрэл медаль авлаа. Тэрбээр Япон бөхийг 4-0, Хятадын бөхийг 8-0 харьцаагаар ялж хагас шигшээд шалгарсан ч АНУ-ын бөхөд 13-3 харьцаагаар ялагдсан тэрээр Казахстаны бөхийг 4-1 харьцаагаар ялж хүрэл медаль хүртсэн юм.
Тус тэмцээний эмэгтэй чөлөөт бөхийн -55 кг жинд Бямбасүрэнгийн Халиун мөнгөн медаль хүртсэн билээ.
