Тав хоногийн өмнө мотоциклоор яваад сураггүй болсон иргэнийг эрэн хайх ажиллагаа үргэлжилж байгаа талаар Онцгой байдлын газраас мэдээллээ.
Тодруулбал, Дорноговь аймаг, Айраг сум. Өнгөт багийн "Олон-Овоо” гэдэг газар /Дорноговь аймгийн төвөөс хойд зүгт 155 км, Айраг сумаас хойд зүгт 25 км, Говьсүмбэр аймгийн төвөөс урд зүгт 50 км-т/ Иргэн Э нь наймдугаар сарын 02-ны өдөр мотоциклоор яваад сураггүй болсон тухай дуудлагыг наймдугаар сарын 05-ны өдрийн 17:15 цагт хүлээн авсан. Говьсүмбэр аймгийн Онцгой байдлын газрын Гал түймэр унтраах, аврах 37 дугаар ангийн алба хаагчид, ар гэрийн хүнтэй 50 км зам туулан 12:17 цагт очиж иргэн Э/44 настай, эрэгтэй/-ыг эрэн хайх ажиллагааг Шивээговь сумын 2 дугаар багийн "Цагаан-Эрэг", Дорноговь аймгийн Айраг сум "Олон-Овоо", "Алаг толгой"-н уурхай, МАК-ийн уурхай, Даланжаргалан сумын 2 дугаар багийн "Өнгөт"-ийн гүүрнээс урд зүгт 10 км орчим, нийт 400 км эрэн хайх ажиллагааг зохион байгуулж гуу жалга, үер урссан сайр эргээр дрон нисгэж зохион байгуулж 20:00 цагт зогсоосон байна.
