Нэмэгдсэн өртгийн албан татварын буцаан олголтыг улиралд нэг удаа олгодог билээ. Тэгвэл энэ оны хоёрдугаар улирлын НӨАТ-ын буцаан олголтыг энэ сардаа багтааж олгохоор болжээ.
Энэ талаар татварын албаныхнаас тодруулахад "Хоёрдугаар улирлын НӨАТ-ын буцаан олголтын хугацааг Сангийн яам тогтооно. Энэ сарын 23 хүртэл иргэдээс буцаан олголтоо бусад төрлийн татвар, төлбөрт суутгах эсэхийг тодруулсан асуумж явуулна. Үүний дараа буцаан олголтын мөнгийг иргэдийн данс руу шилжүүлнэ. Тэгэхээр энэ сардаа багтааж олгоно гэж ойлгож болно" гэсэн юм.
