Өмнөд Солонгосын "New Jeans" охидын хамтлагийг Америкийн "Time" сэтгүүлээс “Дэлхийг удирдах залуу үеийнхэн”-ий нэгээр нэрлэжээ. Тэд шинэ гаргасан дуу бүрээрээ дотоодын болон гадаадын бараг бүхий л хөгжмийн чартуудыг тэргүүлээд байгаа юм.
Их Британийн жүжигчин Флоренс Пью, гольфчин Мэттью Фицпатрик зэрэг 20-30 насны урлаг, спортын салбарын олон алдартнууд “Time” сэтгүүлийн уг жагсаалтад багтсан бөгөөд К-ПОП салбараас ганц New Jeans хамтлаг л багтсан байна.
New Jeans хамтлагийг маш богино хугацаанд дэлхий нийтийг байлдан дагуулж чадсан, шинэлэг дүр төрх, хөгжмийн авьяасаа гайхуулж буй орчин үеийн загварын чиг хандлагыг тодорхойлох алдартнуудын нэг хэмээн тодотгожээ.
