Иргэдийн амралт зугаалга үргэлжилж байгаа энэ үед хүмүүс төөрч алга болох тохиолдол гарсаар байна. Тухайлбал, Увс аймаг, Давст сум. Зүүн хөвөө багийн "Нуурын хөвөө" гэдэг газар /аймгийн төвөөс зүүн хойд зүгт 145 км сумын төвөөс зүүн хойд зүгт 15 км-т, N 53.610 E92.2602/ Увс нуурын эрэг дээр 17 хүн амарч байснаас 08.05-ны өдрийн 18:00 цагт иргэн Д нь “Тэрмис” уул руу яваад сураггүй болсон тухай дуудлагыг 08.06-ны өдрийн 17:06 цагт хүлээн авсан. Тус аймгийн Онцгой байдлын газрын Давст сум дахь Эрэн хайх аврах бүлгийн алба хаагчид 15 км зам туулан 17:45 цагт очиж иргэн М/66 настай, эрэгтэй/-ийг эрэн хайх ажиллагааг эхэлүүлж 18:15 цагт тус багийн “Шаварт” гэдэг газар /Тэрмис уулаас урд зүгт 8 км/-аас эсэн мэнд олсон гэж Онцгой байдлын ерөнхий газраас мэдээллээ.
