"Парис 2024" зуны олимпын наадам үргэлжилж байна. Манай улсын баг тамирчид нэг мөнгөн медаль хүртсэн амжилттайгаар олимпын наадмаа үргэлжлүүлж байгаа юм.
Өнөөдөр манай улсаас олимпын засмал замын ганцаарчилсан бөөн гарааны төрөлд С.Жамбалжамц өрсөлдөнө. Түүний уралдаан Улаанбаатарын цагаар 17:00 цагт эхэлнэ. Мөн өнөөдөр жүдо бөхийн холимог багийн барилдаан болж байна. Энэхүү барилдаанд манай улсын шигшээ багийн тамирчид олимпын хүрэл медальт Израилын багтай таарч ялагдал хүлээлээ. Тодруулбал, эхний үед 3:3 харьцаагаар оноо тэнцэж, нэмэлт нэг баргилдаанд манай тамирчин Б.Эрдэнэбаяр ялагдал хүлээж тэмцээнээ өндөрлүүлэв. Ийнхүү өнөөдөр холимог багийн барилдаанаар олимпын наадмын жүдо бөхийн тэмцээн өндөрлөх юм.
