Чойрын богд ууланд ямар төрлийн ан амьтад амьдардаг талаар иргэн А.Төвшөө судалгаа хийж, хоёр сарын турш тус уулын амьтадыг ажиглан, дүрсжүүлжээ. Энэ ажил нь түүний судлаач аавтайгаа хамтран хийхээр зорьсон ажил байжээ.
Тэрбээр энэ талаар өөрийн цахим хуудаснаа “Миний аав биологийн багш мэргэжилтэй олон жил тухайн мэргэжлээрээ ажилласан хүн. Бид хоёр Чойрын богд ууланд ямар төрлийн ан амьтад амьдардаг талаар судалъя гэж ярьж байгаад хийж чадаагүй. Одоо харин аавынхаа бодож байсан зүйлийн талаар танин мэдэхүйн судалгааг хоёр сар гаруй хугацаанд хийгээд дүрсжүүллээ. Чойрын богд ууланд өвөөлж шувуу, эрээн хавирга хахилаг шувуу, үнэг, хярс, чоно, суусар, аргаль зэрэг амьтдыг камерт буулгалаа. Дахиад ямар төрлийн ан амьтад Чойрын богд ууланд нутаглаж идэш тэжээлээ олж, амьдарч байгааг үргэлжлүүлэн судлах болно. Байгаль орчноо хайрлан хамгаалахыг уриалж байна” хэмээн бичжээ.
ВИДЕО:
