Төв цэнгэлдэх хүрээлэнд өнөөдөр /2024.07.11/ 11:00 цагаас баяр наадмын нээлтийн үйл ажиллагаа ёслол төгөлдөр болж, Хүчит бөхийн барилдааны нэгийн даваа үргэлжилж байна. Мөн өнөө орой 22:00 цагаас наадмын орны нээлтийн үйл ажиллагаа анх удаа болох бөгөөд энэ үеэр оддын шоу тоглолт, ёслолын буудлага болно.
Баяр наадмын оройн нээлтэд МУГЖ Х.Лхагвасүрэн, Б.Сарантуяа, Д.Жаргалсайхан, С.Амармандах, Д.Отгонжаргал, Ж.Алтанцэцэг, МУАЖ А.Долгор, СТА С.Сэрчмаа, Г.Эрдэнчимэг, Б.Халиун, А.Хишигдалай, дуучин Б.Батцэцэглэн, Дэлхий хамтлаг оролцоно. Харин наадмын оройн нээлтийн тасалбарыг иргэд www.ticket.mn сайтаар худалдаж авах боломжтой. Тасалбар 79 мянга, 89 мянга, 99 мянган төгрөгийн үнэтэй байна.
