Жүжигчин Ц.Ганзоригийн эхнэр алдарт эхийн одонгоо гардан авчээ

Жүжигчин Ц.Ганзоригийн эхнэр алдарт эхийн одонгоо гардан авчээ

Монгол Улсын Ерөнхийлөгч Ухнаагийн Хүрэлсүх Олон улсын хүүхдийн эрхийг хамгаалах өдрийг тохиолдуулан Олон хүүхэд төрүүлж өсгөсөн эхийг урамшуулах тухай хууль болон Монгол Улсын Үндсэн хуульд заасан бүрэн эрхийнхээ хүрээнд зарлиг гаргаж, эхчүүдэд Алдарт эхийн одон гардууллаа.

Монгол Улсын Ерөнхийлөгч Ухнаагийн Хүрэлсүх хүн амыг өсгөж, ард түмнийхээ хөгжил дэвшилд хүч нэмсэн ээжүүдэд чин сэтгэлийн талархал илэрхийллээ. Үр хүүхдээ эрдэм боловсролтой, эрүүл чийрэг, зөв сэтгэлтэй иргэн болгон өсгөж хүмүүжүүлсэн монгол ээжийн хөдөлмөр зүтгэлийн үр шимийг гэр бүл, ураг төрөл, удам судар, улс үндэстнээрээ хүртдэг учраас ээжүүдийн ач гавьяаг монгол төр алдаршуулан бахархдаг уламжлалтай гэдгийг хэлэв.

Монгол төрөөс хүүхдийн мөнгө олгож буй нь нийгмийн халамж бус, хүн амаа өсгөх, эх үрсээ дэмжиж байгаа төрийн бодлогын бодит илэрхийлэл гэдгийг онцоллоо. Монгол Улсын Ерөнхийлөгчийн санаачилгаар “Эхийн алдар” одонг дагалддаг мөнгөн урамшууллыг хоёр дахин нэмэгдүүлэхээр Засгийн газар ажиллаж байгааг дуулгав.

Энэ жил улсын хэмжээнд 11294 ээж Алдарт эхийн нэг, хоёрдугаар одон хүртэж байгаа бөгөөд өнгөрсөн оныхоос 526-аар нэмэгджээ. Одон гардаж байгаа алдарт эхчүүдийн олонх нь 34-38 насныхан байна. Энэ үеэр Маск продакшны жүжигчин Ц.Ганзоригийн эхнэр алдарт эхийн одонгоо гардан авчээ. 




Улаанбаатарт 30 градус дулаан байна

29 минутын өмнө

Шуурхай мэдээ
Өнөөдөр хулгана өдөр

34 минутын өмнө