Украины Ерөнхийлөгч В.Зеленский, “Украинд танк өгөхөд бэлэн байгаа улс орнуудын жагсаалтад Канад нэгдэн орсноор барууны 12 улс "танкийн эвсэл"-д орлоо” гэж өчигдөр мэдэгджээ.
Тэрээр, “Террористуудыг зөвхөн зэвсэг л саармагжуулдаг. Мөн бидэнтэй хамт терроризмын эсрэг тэмцэж буй дэлхийн бүх хүнд би талархаж байна. Украинд шаардлагатай хамгаалалтын тоног төхөөрөмжийг нийлүүлэх ажлыг эрчимжүүлж, террорист улсын эсрэг хориг арга хэмжээг нэмэгдүүлэхэд бэлэн байгаа хүмүүст би талархаж байна. Тэр дундаа бид танкийн эвслээ өргөжүүлж байна "Канад холбогдох шийдвэр гарлаа, үүнд баярлалаа" гэжээ.
Сонирхуулахад, Канадын Батлан хамгаалахын сайд Анита Ананд ирэх долоо хоногт Канадын засгийн газар "Ирвэс-2" загварын дөрвөн танкийг Украин руу илгээнэ гэж өчигдөр /2023.01.26 мэдэгдсэн байна. Мөн АНУ, Их Британи, Герман, Польш, Норвеги, Испани, Нидерланд зэрэг улсууд Украинд танк өгнө гэдгээ мэдэгджээ. Ингээд Украин нийтдээ 100 орчим “Ирвэс-2” танк хүлээн авах боломжтой болсон гэж гэж хэвлэлүүд мэдээлж байна.
Эх сурвалж: BBC
