Японы зүүн хойд нутагт өнөө өглөөний 10:27 цагт 6.6 магнитудын хүчтэй газар хөдлөлт болсон гэж тус улсын Цаг уурын агентлаг мэдээлжээ.
Газар хөдлөлтийн голомт Мияги мужийн эргээс холгүй 60 километрийн гүнд байжээ. Цунамийн аюул нүүрлэх төлөвгүй байгааг мэргэжилтнүүд мэдээлсэн байна. Токиогийн Цахилгаан эрчим хүчний компанийн мэдээлснээр, 2011 онд байгалийн гамшигт нэрвэгдсэн Фүкүшима Дайичи атомын цахилгаан станцын үйл ажиллагаа доголдоогүй байна.
