Цаг агаарын үзэгдлийн улмаас төөрсөн, сураггүй болсон иргэдийг эрэн хайх ажиллагаа үргэлжилж байна

Цаг агаарын үзэгдлийн улмаас төөрсөн, сураггүй болсон иргэдийг эрэн хайх ажиллагаа үргэлжилж байна

Өнгөрөгч шөнө ихэнхи аймгуудийн нутгаар цас болон шороон шуурга шуурч улмаар төөрсөн, сураггүй алга болсон гэх дуудлага тус аймаг сумдын Онцгой байдлын газруудад бүртгэгджээ.

Тодруулбал,  Өвөрхангай аймгийн Сант сумын Улаан-Овоо багийн “Сэкүл” гэдэг газар 04.14-ний өдрийн 17:00 цагийн орчим малчин С малдаа явган яваад сураггүй алга болжээ. Алга болсон иргэн нь  малчин С /43 настай, эмэгтэй/ бөгөөд тус аймгийн Онцгой байдлын газрын Эрэн хайх, аврах салбарын алба хаагчид сумын Засаг даргын Тамгын газрын ажилтнууд эрэн хайх ажиллагааг үргэлжлүүлж байна.

Мөн Дундговь аймгийн Баянжаргалан сумын Говьсүмбэр аймгийн Шивээ-Овоо сумаас тус аймгийн Сайнцагаан сумын чиглэлд мотоциклтой зорчиж явсан  Иргэн Т  сураггүй болжээ. Тус сумын Засаг даргын Тамгын газрын ажилтнууд, Гурвансайхан сумын Засаг даргын Тамгын газрын ажилтнууд иргэн Т/42 настай, эрэгтэй/-ыг эрэн хайх ажиллагааг зохион байгуулж байна. Тус аймгийн Онцгой байдлын газрын алба хаагчид 04.15-ны өдрийн 07:00 цагт хөдөлгөөн үйлдсэн байна.

ОНЦГОЙ БАЙДЛЫН ЕРӨНХИЙ ГАЗАР