Өмнөговь аймгийн Ханбогд сум буюу Цагаанхаданд байрлах "Монфорд" ХХК-ийн байранд тусгаарлалтад байсан тээврийн жолооч нар нэгнийхээ аминд хүрсэн ноцтой хэрэг өчигдөр /2022.06.23/ гарчээ.
Тодруулбал, Сэлэнгэ аймгийн харьяат 44 настай эрэгтэй М-ийг Баянхонгор аймгийн ... сум харьяат 37 настай Б нь хувийн таарамжгүй харилцаанаас үүдэж согтуурсан үедээ маргалдаж, зодолдсоны улмаас амь насыг нь хохироожээ. Эх сурвалжуудын мэдээлж буйгаар жолооч нар архи согтууруулах ундаа хэрэглэсэн байсан аж. Уг хэргийг Өмнөговь аймгийн Ханбогд сумын цагдаагийн газраас шалгаж байгаа юм байна.
