БНСУ-ын Чунчон хотноо олимпын таеквондогийн насанд хүрэгчдийн Ази тивийн аварга шалгаруулах тэмцээн өчигдөр таеквондо пүмсэ төрлөөр эхэлжээ. Тус тэмцээний эхний өдөр Н.Түмэнжаргал хүрэл медаль хүртэж Ази тивийн аварга шалгаруулах тэмцээнийг манай улс ажилттай эхлүүлсэн байна. Учир нь түүний медаль нь Монголын таеквондочдын түүхэн дахь “пүмсэ” төрлөөр хүртэж анхны тивийн медаль аж. Харин өнөөдөр /2022.06.24/ эрэгтэйчүүдийн -54кг жинд Ё.Пүрэвдаш, -68кг жинд Э.Буяншагай нар өрсөлдөх ажээ.
